SUB STANDARD JR/SR HIGH SCHOOL BUILDING SA LACASTELLANA INDI MAKLASEHAN
Indi mapuslan ang apat ka panalgan nga building para sa Junior kag Senior high School sa banwa sang La Castellana.
Sa pagpangusisa sang Radyo Bnadera nga wala madayon nga gamiton ang nasambit nga mga classrooms bangud nga nagalitik ang salog sang amo nga building sa una nga panalgan sini kag tuman ka delikado para sa mga estudaynte. Ginpakamaayo naman sang principal sang La castellana national High School nga maghiwat na lang sa MWF classes para sa senior high school sa ila extension sa Brgy. Robles sa amu nga banwa agud nga makasulod sa klase ang mga estudyante nga indi mabutang sa katalagman ang ila kaugalingon bangud sa indi maayo nga struktura sang building.
Ang nasambit nga building kabahin sang mga classrooms nga ginapatindog sang DPWH para sa impelentasyon sang K-12 program sang Gobyerno. Ini nga proyecto ang ginpundahon sangnasyonal nga gobyerno akg sa dalum sang pagdumala sang DPWH kag nagaserbi naman nga contractor ang winning bidder nga RISm Builders and Construction Services.
