3 ka Carnapper Arestado

Tatlo ka suspect dakop sa kaso nga pag carnap sang isa ka Montero, mga suspect nakuhaan pa sang Droga.

Sa syudad sang Dumaguete, probinsya sang Negros Oriental, dakop kanday Jason Louiz Bandoy Y Dela Torre, Ronnel Yu Domen, Joefren Elorta Y Pis an sa kaso nga pag bayolar sang RA10883 (Anti-Carnapping Act).

Mga takna 10:15 sang gab.i Oktubre 8, 2017, sa koordinasyon kaupod ang Phil. Coast Guard Negros Oriental Station kaupod man ang PDEA Neg. Oriental gindakop ang tatlo kag nakuha pa sa ila posisyon kag kontrol ang gin- carnap nila nga isa ka unit sang Mitsubishi Montero nga may plaka ADM9737, kag ini ang naka blotter nga nadula sadtong Oktubre 4, 2017 nga gin report naman sa tag-iya nga si Caroline T. Yanzon.

Nakuha man sa ila posisyon ang pila ka paraphernalias sang droga. Kaso nga pag supak sa RA10883 kag RA9165 (Anti-Illegal drugs act) ang ila paga atubangon sa korte.