14 NA ANG PATAY SA ASUD ASUD NGA LINOG SA MINDANAO SINI NGA SEMANA SUNO SA NDRRMC

14 NA ANG PATAY SA ASUD ASUD NGA LINOG SA MINDANAO SINI NGA SEMANA SUNO SA NDRRMC

Ginpagwa na sang National Disaster Risk Reduction and Management Council (NDRRMC) ang listahan sang mga nabawian sang kabuhi sa linog nga nagluntad sa Mindanao region.

Una nga nagluntad ang 6.6 magnitude nga linog sang Oktubre 29 , ginsundan pa gid ini sang 6.5 magnitude nga linog sang Oktubre 31.

Nagluntad ang duha ka mga pagtay-og sa banwa sang Tulunan sa Cotabato.

Magluwas sa mga nagkalamatay, naglab-ot naman sa 403 ka mga persona ang nasamaran sa insidente.

Suno sa NDRRMC, apat ka mga rehiyon ang nakaangkon sang kaswalidad sa asud asud nga linog.

Ini amo ang Northern Mindanao, Davao del Sur, SOCCSKSARGEN kag Bangsamoro Autonomous Region in Muslim Mindanao.

Kalakip naman sa mga nagkalamatay amo sanday:

Davao del Sur

• Jessie Riel Parba (previously reported as Jesriel Pabra) • Benita B. Saban • Romulo Naraga

South Cotabato

• Nestor Narciso

Cotabato

• Samuel Linao Andy (previously reported as Angel Andy) • Renee Corpuz (previously reported as Rene Boy Andy) • Marichelle Morla • Patricio Lumayon • Pao Zailon Abdulah • Isidro Gomez • Cesar Bangot • Romel Galicia • Precilla Verona • Juve Gabriel Jauod

Magluwas sa mga nabawian sang kabuhi, duha pa ka mga persona ang gindeklarar missing sa Davao del Sur ,nga ginkilala nga sanday Gilbert Suprales kag Miggy Attic.

(sunshine lacson/November 1/posted 10:30 am/PHOTO FROM WEB)