BREAKING: RADIO BROADCASTER DINDO GENEROSO, GINTIRO PATAY!

Gintiro-patay ang isa ka radio broadcaster sa Hibbard Avenue sa Barangay Piapi, Dumaguete City alas 7:30 subong nga aga.

Sa inisyal nga imbestigasyon, magapadulong na kuntani si Generoso sa iya nga radio program sang hinali nalang ini gintiro sa iya nga salakyan sang wala pa makilal-an nga suspek.

May lima ka igo sa lawas ni Generoso kag narekober ang 7 ka empty shells gamit ang caliber 45 pistol.

Si Generoso ang isa ka blocktimer sa isa ka Radio Sation sa Dumaguete.

Si Genoroso ang nagpadalagan bilang alkalde sang tuig 2016 apang napirdi sa incumbent mayor Felipe Antonio Remollo.

Amo ini ang ika-dowa nga natabo sadtong tuig 2018 nga ang isa local media personality ang gintiro man sa Dumaguete.

Sadtong Abril 30, 2018, broadcaster Edmund Sestoso ang gintiro sa iya nga boarding house sa Barangay Daro.

Nagapadayon ang imbestigasyon angot sa nasambit nga krimen.

(Standby for more updates by Radyo Bandera Team)