GINAPATIHAN FINANCE OFFICER SANG NPA PATAY SA COTABATO

Patay sa natabu nga encounter ang ginapatihan nga logistics kag finance officer sang New Peoples Army

ukon NPA sa Barangay. malabuan, North Cotabato sang Biernes, Pebrero 14, 2020.

Ginkilala ang napatay sa engkwentro nga si Juanito Gore Tacadao nga ginapatihan nga miembvru sang NPA Far South Mindanao Regional Committee Regional.

Suno kay Brig. Gen. Adonis Bajao, commander sang 1002nd Infantry Brigade sang Eastern Mindanao Command nga napatay si tacado sang magengkwentrohanay ang iya mga kaupod nga armado kag mga katapu sang 39th Infantry Battalion upod ang mga miembru sang Makilala Police Station.

Nagluntad ang engkwentro sang boot na kuntani nga iserbi sang mga otoridad ang arrest warrant batuk kay Tacadao sa kaso nga "murder kag robbery with intimidation and violence against person".

Gilayon naman nga nagpalagyo ang iya mga kaupdanan sa wala mahibaluan nga direksyon matapus ang engkuwentro.

Natigayon naman nga marecover sa lugar ang M14 riffle, kalibre 38, landmine, 2 ka balsting caps kag detonating cords.

Sa ginpatigayon nga follow up operation sa safe house ni Tacadao sa Sitio Blazan, Malawanit, Magsaysay, Davao del Sur nga nagresulta sa pagkarecover sang M16 rifle, 12 guage shotgun, granada, 40mm nga mga bala, pagkaon, supplies, personal nga pagkabutang kag sarisari nga mga subversive documents.