POLICE NGA GINRELIEVED SA BCPO SANG 2017 GINTIRO PATAY
The Crime
Patay on the spot si PO1 Eric Alcosaba matapus ginluthang sang makapila ka beses sang mga armado nga lalaki sakay sa isa ka Toyota Innova nga nga duag puti, alas 3 sang hapon, Sabado, Pebrero 15, 2020.
Nagluntad ang insedente sa atubang sang isa ka fastfood chain sa corner Burgos Extension-Circumfrential Road.
Suno kay PMaj. Renante Jomocan, hepe sang police station 4 nga posible nga ginsundan si Alcosaba sang SUV sakay ang mga suspek kag sang iya pag-abot sa atubang sang fast food chain didto na kag ginluthang ang biktima.
Ginsiling pa ni Jomocan nga anay miembru sang counter intelligence task force ukon CITF si Alcosaba kag katapusan nga nadestino sa police station 7 antes ini ginrelieved sang 2017 kag ginassigned sa sa Mindanao.
Ginaverify pa sang hepe kon bala matuod nga absent without Offical leave ukon AWOL ang nasambit nga biktima.
Bystanders Account
Suno sa pahayag sang pila ka mga bystander nga boot na kuntani nga magpanaug sa iya Toyota HiLux nga duag puti si Alcosaba sang may nagtiro sa iya windshield sa atubang rason nga naglumpat ini kag nagdalagan apang natiruhan ini sa iya nawala nga paa rason nga natumba sa dalan. Isa ka lalaki nga nagsoksok sang helmet ang nagpalapit sa iya samtang nagahamyangon kag gintiro ini sa ulo in " close range".
Matapus ang insedente gilayon nga nagsakay sa puti nga Innova ang mga suspek kag nagpalagyo padulong sa southern part sang circumferemtial road.
The Background
Sang 2017 kapin sa 7 ka mga police sa Negros Occidental ang ginrelieve bangud sang gin-alegar nga involvement sa illegal nga droga.
Ini ang ginbulgar sang ginakabig nga local drug personality nga si Ricky Serenio sa iya 19 ka pahina nga supplemental affidavit nga nagaangut sa mga opisyal sang police kag 2 ka mga NBI agents.
Nalakip sa mga narelieved amu ang anay provincial director sang Negros Occidental Police Provincial Office nga si PSSupt. William Señoron, Psupt. Edel Jose Manzano, hepe sang cadiz City, Supt. Placido Gentoleo sang BCPO, Supt. Antonietto Cañete sang PRO-NIR, Chief Insp. Edison Garcia sang Regional Intelligence Division kag PO1 Eric Alcosaba.
Santo sa supplemental affidavit ni Serenio nga ang nasambit nga mga pulis kag ahente sang NBI ang involved sa illegal drug trade sa pinakaulihi sini nga affidavit.
Kon madumduman sa una nga affidavit ni Serenio nga napetsahan Enero 13, 2017 kapin sa 35 ka mga pulis kag iban pa nga mga law enforcement personnel ang gin-alegar nga nagabaton sang protection money halin sa Berya drug group nga kilala nga drug group sa provincia sang Negros Occidental.
The Motive
Padayon pa karon nga ginausisa sang kapulisan kon ano ang motibo sa kremin.
Isa man sa mga anggulo nga ginatutukan ang natabu nga pagkarelieved sa biktima sa iya daan nga assignment kag ginatan-aw man kon bala may mga tawo nga may kaakig sa biktima.
