MGA NAGKALAMATAY BANGUD SANG COVID-19 NAGDANGAT NA SA 1,662

Nagdangat sa 1,662 ang kadamuon sang mga nagkalamatay bangud sang Coronavirus Disease 2019 ukon COVID-19.

Nahibaluan nga sa Hubei Province lang, narekord ini sang 139 ka bag-o nga mga kaso sang mga nagkalamatay subong nga adlaw sang Domingo.

Suno kay French health minister Agnes Buzyn, isa ka 80-anyos nga Chinese tourist ang napatay sa France bangud sang coronavirus.

Ini ang una nga kaso sang napatay sa gwa sa Asya.

Sa karon, malapit na sa 68,000 ang infected sang virus sa pungsod China.

Nagpatuman naman si Chinese President Xi Jinping sang mas hugot nga seguridad agud nga malikawan ang paglapnag sang coronavirus.