GOBYERNO, GINPLANO ANG PAGBAKWIT SANG MGA PINOY NGA SAKAY SANG DIAMOND PRINCESS

Ginaplantsa na sa karon sang gobyerno ang plano para sa pagbakwit sa mga Pinoy nga sakay sang cruise ship nga Diamond Princess nga nakadungka sa Japan. Ini ang bangod sa padayon nga pagtaas sang kaso sang gina-igo sang COVID-19 sa nasambit nga barko. Suno kay Health Assistant Sec. Maria Rosario Vergeire nga nagapakig-angot na ang gobyerno sa Shipping Lines nga Princess Cruises para sa proseso. Nagapangita naman sang panibag-o nga quarantine facility ang gobyerno kung mabakwit ang kapin sa 500 ka pasahero sang barko nga kalabanan mga crew. Bangod man sa ila nga numero, indi ma-akomodar sa New Clark City sa Capas, Tarlac ang mga pasahero. Bangod diri, ginsiling ni Health Secretary Francisco Duque III nga pagahatagan sang kahilwayan ang mga Pinoy nga sakay sang barko nga magdesisyon kung luyag nila nga magpabakwit akun luyag nila magpabilin didto.