SINDIKATO ANG PULIS NGA NAGLINK KAY ESPENIDO SA DRUG LIST

Ginsiling ni Senador Ronald "Bato" de la Rosa nga dapat padalman sang PNP ang pulis nga naghimu sang report nga nagaangut kay PLt. Col. Jovie Espenido sa drug list.

Suno kay De la Rosa nga posible may nalapakan nga pulis nga may problema sa paminsaron kon ngaa ginadalahig niya si Espenido.

Gindugang pa sang senador nga sang iya panahon bilang hepe sang kapulisan humalin sang 2016-2018 wala niya makita sa drug list ang pangalan ni Espenido.

Matigdas man nga ginhambal sang senador nga kon ara sa listahan ang pangalan sang amu nga opisyal sang pilus wala na si Espenido gin-appoint bilang hepe sang Albuera Leyte.

Suno kay De la Rosa nga nagtuhaw sa narco-list ang ngalan ni Espenido matapus nga mapatay sa isa ka operasyon si Albuera Leyte Mayor,Roando Espinosa Jr. nga naluthangan kag napatay sa iya selda sang mga katapu sang pulis samtang nagaserbi sang warrant of arrest.

Sa nahibaluan nga si Espenido ang nalakip sa 356 ka mga pulis nga yara sa drug watchlist sang presidente kag ini ang ginkonpirmar ni DILG Secretary Eduardo Año.

Sa pihak nga bahin ginsiling man ni Presidente Rodrigo Duterte nga wala siy nagapati nga may kahilabtanan si Espenido sa illegal drug trade kag nagapati ini nga isa lamang ka "black propoganda" sa nasambit nga opisyal sang pulis.